Deialdiko oinarri espezifikoak MUSIKA ESKOLAKO IRAKASLEA TRIKITIXA (EGONKORTZE - LEHIAKETA)

II. APARTEKO ETA SALBUESPENEZKO EGONKORTZE-PROZESUETAKO ARAU ESPEZIFIKOAK, UDAL MUSIKA ESKOLAN 36 PLAZA BETEKO DITUZTEN PERTSONAK AUKERATZEKO (LEHIAKETA)

1.- Deitutako plazak

Salbuespen gisa, Udal Musika Eskolaren eremuan 36 plaza deitu dira, behin bakarrik eta lehiaketa bidez, honela banatuta:

2.- Parte hartzeko baldintzak

Plazak lortu nahi dituztenek egonkortze-prozesuaren oinarri orokorretako 4.1 apartatuan ezarritako baldintza orokorrak bete beharko dituzte, baita I. “Enplegua egonkortzeko ohiz kanpoko prozesuen arau erkideak” atalean aipatutakoak ere.

3.- Deitutako plazei dagozkien lanpostuen betekizun espezifikoak

3.1 Sartzeko titulazioa:

Plazak lortu nahi dituztenek egonkortze-prozesuaren oinarri orokorretako 4.1 apartatuan ezarritako baldintza orokorrak bete beharko dituzte, baita I. “Enplegua egonkortzeko ohiz kanpoko prozesuen arau erkideak” atalean aipatutakoak ere.

3.2 Euskara:

Goian adierazitako lehen taulan, “HL nahitaezkoa” zutabean, eskaintzen diren plazen artetik derrigortasun-data igarota duten lanpostuak dituztenak aipatzen dira. Plaza horietarako, euskarako 3. hizkuntza-eskakizuna plaza eskuratzeko betekizuna da.

Euskara jakitea eskaerak aurkezteko epea amaitu aurretik frogatu behar da.

4.-  Hautaketa prozesua

Lehiaketa izango da hautaketa-sistema. Merezimendu guztiak eskabidean/erantzukizunpeko adierazpenean alegatu beharko dira, hura aurkezteko epearen barruan.

Merezimenduak lortzeko azken eguna eskabideak/erantzukizunpeko adierazpenak aurkezteko epea amaitzekoa izango da.

Eskabidea/erantzukizunpeko adierazpena zer egunetan aurkezten den alde batera utzita, eskabideak/erantzukizunpeko adierazpenak aurkezteko epea amaitu arte zenbatuko dira merezimenduak.

Prozesuko kalifikazioa merituengatik lortutako puntuen batura izango da, baremo honen arabera:

a) Esperientzia orokorra

Gehienez 30 (hogeita hamar) puntu emango dira.

Esperientzia orokortzat hartzen dira Hezkuntza Administrazioak baimenduta dituen eta titulartasun publikoa duten musika eta dantza eskoletan emandako zerbitzuak, eskuratu nahi den plazarako bakarrik (A2 taldea). Emandako zerbitzuak organo eskudunak egindako ziurtagiriaren bidez egiaztatuko dira.

Gehienez 30,00 (hogeita hamar) puntu emango dira, zerbitzuko urte bakoitzeko edo sei hilabetetik gorako denbora tarte bakoitzeko 3 (hiru) puntu.

b) Esperientzia espezifikoa

Gehienez 60 (hirurogei) puntu emango dira.

Esperientzia orokorraren baloraziotik bereizita eta haren osagarri, berariaz baloratuko dira lortu nahi den plazari dagozkion lanpostuetan (A2 taldea) Bilbao Musikan emandako zerbitzuak, gehienez ere 60,00 (hirurogei) puntu, 6,00 (sei) puntu zerbitzu-urte bakoitzeko edo sei hilabetetik gorako denbora tarte bakoitzeko, 2013ko urtarrilaren 1etik aurrera.

Denbora zenbatzeko, lanaldi partzialeko edo lanaldi-murrizketako erregimeneko dedikazio-aldiak dauden kasuetan, zenbaketa benetan egindako denboraren proportzioan egingo da.

Lanaldi osorako eskaintzen ez diren lanpostuetarako, plaza ateratzen den ehunekoa hartuko da % 100tzat. Lanpostuko esperientziaren ehunekoa plazari dagokiona baino handiagoa bada, ez da kontuan hartuko portzentaje hori gainditzen duen denbora, eta kontratatutako lanaldia txikiagoa bada, plazaren ehunekoaren zati proportzionala zenbatuko da. 

Plaza bakoitzerako, azken 10 urteetan metatutako esperientzia guztia zenbatuko da, 6,00 (sei) puntu zerbitzu-urte bakoitzeko.

c) Beste merezimendu batzuk

Zati honetan, gehienez 10 (hamar) puntu lor daitezke.

c.1) Bilbao Musikan lan-eskaintza publiko bat gainditzea. 10 (hamar) puntu.

c.2) Lortu nahi den plazan sartzeko hautaketa-prozesuen ondorioz Bilbao Musikan edo Jesus Aranbarri kontserbatorioan sortutako lan-poltsetan egotea: 6 (sei) puntu.

c.3) Bilbao Musikaren edo Jesus Aranbarri kontserbatorioaren lan-poltsetan egotea, zeinak lortu nahi den plazan sartzeko hautaketa-prozesurik ez den egon: 3 (hiru) puntu.

Aurreko aukeren artean onena hautatuko da; ezin izango dira bat baino gehiago erabili.

c.4) Titulazio akademikoak:

Unibertsitateei buruzko abenduaren 21eko 6/2001 Lege Organikoaren 35. artikuluan eta Unibertsitate-ikasketen eta horien kalitatea bermatzeko prozeduraren antolaketa ezartzen duen  railaren 28ko 822/2021 Errege Dekretuan araututako titulazio akademiko ofizialak, baldin eta deialdian betekizun gisa ezarritakoak baino goragoko mailakoak badira eta, administrazio eskudunak aitortuta, balio akademiko ofizialeko tituluak luzatu ahal dituzten ikastetxe publiko edo pribatuetako batek luzatuak badira, betiere zehaztasun honen arabera:

     - Erdi-mailako titulazioa (3. Atalean sartzeko titulazio gisa eskatzen ez direnak), titulu bakoitzeko 2,5 (bi koma bost) puntu.

     - Goi-mailako titulazioa (3. Atalean sartzeko titulazio gisa eskatzen ez direnak), titulu bakoitzeko 5 (bost) puntu.

c.5) Hizkuntzak

Gaztelania ez den Europar Batasuneko beste hizkuntza ofizial batzuen ezagutza baloratuko da, honako hauen arabera:

- B1 maila, 1,5 (bat koma bost) puntu

- B2 maila edo altuagoa, 2,5 (bi koma bost) puntu

Egiaztatzen den hizkuntza bakoitzagatik, izangaiak duen jakite-mailarik altuena bakarrik puntuatuko da.

c.6) Erantzukizuneko karguetan izandako esperientzia, baldin eta kargu horien maila bat badator lanpostutik gorako mailaren batekin, zerbitzua eman den ikasturte bakoitzeko.

Gehienez 4 (lau) puntu emango dira.

            - Mintegiko buru gisa egindako lanengatik, 0,50 (zero koma berrogeita hamar) puntu urteko.

            - Eskolako ikasketaburuaren eta/edo zuzendaritzako idazkariaren lanengatik, puntu 1 (bat) urteko.

            - Eskolako zuzendaritza-lanengatik, 1,50 (bat koma berrogeita hamar) puntu urteko.

c.7) Esperientzia kontzertu didaktikoetan, gehienez 3 (hiru) puntu.

Kontzertu didaktikotzat joko dira instrumentuaren ezaugarriak, historia, musika-estiloak, dantzak eta abarrekoak azaltzen dituzten musika-adierazpen guztiak. Kontuan har daitezen, musika-eskolaren titulartasunaren bidez garatu behar dira kontzertuok, eskola-orduetatik kanpo, eta eskolako ikasleak ez diren publiko bati zuzenduta egon behar dira, edozein dela ere haien adina.

0,25 (zero koma hogeita bost) puntu ikasturte bakoitzeko, eta gehienez ere 3 (hiru) puntu.

c.8) Plazarekin zerikusia duten talde-eskoletan izandako esperientzia. Gehienez 6 (sei) puntu.

Musika-hizkuntza eta pianoa, eta pianoa-teklatuak, inprobisazioa barne plazetarako: ikasturte bakoitzeko 0,60 (zero koma hirurogei) punturekin baloratuko da, 2013ko urtarrilaren 1etik aurrera, edozein motatako abesbatza edo ahots-talde edo talde instrumentalen eskolak ematen izandako esperientzia.

Kantuko plazarako:

Ikasturte bakoitzeko 0,60 (zero koma hirurogei) punturekin baloratuko da, 2013ko urtarrilaren 1etik aurrera, edozein motatako abesbatza edo ahots-taldeen eskolak ematen izandako esperientzia.

Gitarra eta gitarra elektrikoko, kontrabaxuko – baxu elektrikoko plazetarako:

Ikasturte bakoitzeko 0,60 (zero koma hirurogei) punturekin baloratuko da, 2013ko urtarrilaren 1etik aurrera, edozein motatako talde instrumentalen edo konboen eskolak ematen izandako esperientzia.

Biolina, biola, klarinetea, txirula, tronpeta, saxofoia, bateria-perkusioa, trikitixa, dulzaina-gaita, txistua, oboea, tronboia, fagota eta tronpa plazetarako:

Ikasturte bakoitzeko 0,60 (zero koma hirurogei) punturekin baloratuko da, 2013ko urtarrilaren 1etik aurrera, edozein motatako talde instrumentalen eskolak ematen izandako esperientzia.

c.9) Informatika-ezagutzak (gehienez 4,5 (lau koma bost) puntu)

Honela baloratuko dira informatika-ezagutzak: 1,00 (bat) puntu maila aurreratuko ziurtagiri bakoitzeko, edo 0,50 (zero koma berrogeita hamar) puntu oinarrizko mailako edo maila bakarreko ziurtagiri bakoitzeko:

     - Microsoft Word XP/2000/2003/2007/2010 edo geroagokoa.

     - Microsoft Excel XP/2000/2003/2007/2010 edo geroagokoa.

     - Microsoft Access XP/2000/2003 edo geroagokoa.

     - Internet

     - Microsoft Power Point XP/2000/2003/2007/2010 edo geroagokoa, maila bakarra.

     - Microsoft Outlook XP/2003/2010 o posterior, maila bakarra.

Oinarri orokorretan adierazi bezala, moduluak gainditu izana IT Txartelaren egiaztatze-sistemaren bidez egiaztatuko da. Modulu berean bertsio bat baino gehiago egiaztatzen badira, bakarra baloratuko da.

 Deialdi honen ondorioetarako, maila aurreratua dutela egiaztatzen dutenei egiaztatutzat emango zaie oinarrizko maila, eta, beraz, maila gorenekoa bakarrik baloratuko zaie.

d) Euskara ezagutza

Euskararen ezagutza eskakizun ez den lanpostuetan bakarrik baloratuko da, derrigortasun-data eraungita ez duelako, honako baremo honen arabera:

- 1. HE: 5 (bost) puntu.

- 2. HE: (hamar) 10 puntu.

- 3. HE: (hamabost) 15 puntu.