Deialdiko oinarri espezifikoak Bandako Musikako Goi-Mailako Irakaslea: Tronboia (EGONKORTZE - LEHIAKETA)

II. APARTEKO ETA SALBUESPENEZKO EGONKORTZE-PROZESUETAKO ARAU ESPEZIFIKOAK, BANDAKO MUSIKAKO GOI-MAILAKO IRAKASLEKO ETA ARTXIBOKO LAGUNTZAILE / ATRIL JARTZAILEKO PLAZAK BETEKO DITUZTEN 16 PERTSONAK AUKERATZEKO (LEHIAKETA)

1. Deitutako plazak

Salbuespen gisa, Udal Musika Bandaren eremuan Bandako Musikako Goi-mailako irakasle 16 plaza eta Artxiboko laguntzaile/atril jartzaile plaza 1 deitu dira, behin bakarrik eta lehiaketa bidez, honela banatuta:

2. Parte hartzeko baldintzak

Plazak lortu nahi dituztenek egonkortze-prozesuaren oinarri orokorretako 4.1 apartatuan ezarritako baldintza orokorrak bete beharko dituzte, baita I. “Enplegua egonkortzeko ohiz kanpoko prozesuen arau erkideak” atalean aipatutakoak ere.

3. Deitutako plazei dagozkien lanpostuen betekizun espezifikoak

1. Sartzeko titulazioa:

- Goian adierazitako Bandako Musikako Goi-mailako Irakasle plaza guztietarako, Goi-mailako irakaslea, Musikako Goi-mailako Gradua edo Musikako Goi-mailako titulu ofiziala izatea, bere espezialitatean, eskabideak aurkezteko epea amaitzen denean, edo titulua lortzeko eskubideak ordainduta edukitzea egun berean.

- Artxiboko laguntzaile – atril jartzaile lanposturako, Eskola-graduatua edo baliokide titulua lortzeko eskubideak ordainduta edukitzea edo titulua izatea eskabideak aurkezteko epea amaitzen denean.

 2. Euskera:

- Eskainitako plazetako bik derrigortasun data igarota duten lanpostuak dituzte. Euskarako 3. hizkuntza-eskakizuna betekizuna da bandako musikako goi-mailako irakaslea (tronpa) plazetako baterako eta bandako musikako goi-mailako irakaslea (perkusioa) plazarako.

- Euskararen jakintza eskaerak aurkezteko epea amaitu aurretik frogatu behar da.

 4. Hautaketa prozesua

Lehiaketa izango da hautaketa-sistema. Merezimendu guztiak eskabidean/erantzukizunpeko adierazpenean alegatu beharko dira, hura aurkezteko epearen barruan.

Merezimenduak lortzeko azken eguna eskabideak/erantzukizunpeko adierazpenak aurkezteko epea amaitzekoa izango da.

Eskabidea/erantzukizunpeko adierazpena zer egunetan aurkezten den alde batera utzita, eskabideak/erantzukizunpeko adierazpenak aurkezteko epea amaitu arte zenbatuko dira merezimenduak.

Prozesuko kalifikazioa merituengatik lortutako puntuen batura izango da, baremo honen arabera:

a) Esperientzia orokorra

Gehienez 30 (hogeita hamar) puntu emango dira.

Esperientzia orokorra lortu nahi den plazan soilik (bandako musikako goi-mailako irakaslea, A1 taldea, eta artxiboko laguntzailea – atril jartzailea, C2 taldea) tokiko erakunde autonomoetan eta talde profesional publikoetan (bandak eta orkestrak) emandako zerbitzuei dagokie.

Gehienez 30,00 (hogeita hamar) puntu emango dira, zerbitzuko urte bakoitzeko edo sei hilabetetik gorako denbora tarte bakoitzeko 3,75 (hiru koma hirurogeita hamabost) puntu.

Gehienez 60 (hirurogei) puntu emango dira.

Esperientzia orokorraren baloraziotik bereizita eta haren osagarri, berariaz baloratuko dira Bilbao Musikan lortu nahi den plazari dagozkion lanpostuetan emandako zerbitzuak, bandako musikako goi-mailako irakasleen kasuan (A1 taldea) eta artxibozain/atrilero laguntzaileen kasuan (C2 taldea), gehienez ere 60,00 (hirurogei) punturekin, 7,50 (zazpi koma berrogeita hamar) puntu zerbitzu-urte bakoitzeko edo sei hilabetetik gorako frakzio bakoitzeko, 2015eko urtarrilaren 1etik aurrera.

Denbora zenbatzeko, lanaldi partzialeko edo lanaldi-murrizketako erregimeneko dedikazio-aldiak dauden kasuetan, zenbaketa benetan egindako denboraren proportzioan egingo da.

Lanaldi osorako eskaintzen ez diren plazetarako, plaza ateratzen den ehunekoa hartuko da % 100tzat. Lanpostuko esperientziaren ehunekoa plazari dagokiona baino handiagoa bada, ez da kontuan hartuko portzentaje hori gainditzen duen denbora, eta kontratatutako lanaldia txikiagoa bada, plaza ateratzen den ehunekoaren zati proportzionala zenbatuko da.  

Plaza bakoitzerako, azken 8 urteetan metatutako esperientzia guztia zenbatuko da, 7,50 (zazpi koma berrogeita hamar) puntu zerbitzu-urte bakoitzeko.

 c) Beste merezimendu batzuk

Zati honetan, gehienez 10 (hamar) puntu lor daitezke.

c.1) Bilbao Musikan lan-eskaintza publiko bat gainditzea: 10 (hamar) puntu.

c.2) Lortu nahi den plazan sartzeko hautaketa-prozesuen ondorioz Bilbao Musikan sortutako lan-poltsetan egotea: 6 (sei) puntu.

Aurreko aukeren artean onena hautatuko da; ezin izango dira bat baino gehiago erabili.

c.3) Titulazio akademikoak:

Unibertsitateei buruzko abenduaren 21eko 6/2001 Lege Organikoaren 35. artikuluan eta Unibertsitate-ikasketen eta horien kalitatea bermatzeko prozeduraren antolaketa ezartzen duen  railaren 28ko 822/2021 Errege Dekretuan araututako titulazio akademiko ofizialak, baldin eta deialdian betekizun gisa ezarritakoak baino goragoko mailakoak badira eta, administrazio eskudunak aitortuta, balio akademiko ofizialeko tituluak luzatu ahal dituzten ikastetxe publiko edo pribatuetako batek luzatuak badira, betiere zehaztasun honen arabera:

 - Erdi-mailako titulazioa (3. Atalean sartzeko titulazio gisa eskatzen ez direnak), titulu bakoitzeko 2,5 (bi coma bost) puntu.

 - Goi-mailako titulazioa (3. Atalean sartzeko titulazio gisa eskatzen ez direnak), titulu bakoitzeko 5 (bost) puntu.

 c.4) Bilbao Musikako plazari dagozkion lanpostuetan esperientzia, baldin eta haien maila erantzukizun maila hauei badagokie, 2015eko urtarrilaren 1etik aurrera, zerbitzu urte bakoitzeko edo sei hilabetetik gorako denbora tarte bakoitzeko:

Gehienez 10 puntu emango dira.

— 28. mailako postuak: 1,25 (bat koma hogeita bost) puntu.

— 27. mailako postuak: 1,00 (bat) puntu.

— 26. mailako postuak: 0,75 (zero koma hirurogeita hamabost) puntu.

— 25. mailako postuak: 0,50 (zero koma berrogeita hamar) puntu.

— 24. mailako postuak: 0,25 (zero koma hogeita bost) puntu.

            c.5) Hizkuntzak

Gaztelania ez den Europar Batasuneko beste hizkuntza ofizial batzuen ezagutza baloratuko da, honako hauen arabera:

 - B1 maila, 1,5 (bat koma bost) puntu

 - B2 maila edo altuagoa, 2,5 (bi koma bost) puntu

Egiaztatzen den hizkuntza bakoitzagatik, izangaiak duen jakite-mailarik altuena bakarrik puntuatuko da.

 d) Euskara ezagutza

Euskararen ezagutza eskakizun ez den lanpostuetan bakarrik baloratuko da, derrigortasun-data eraungita ez duelako, honako baremo honen arabera:

- HE: 5 (bost) puntu.

- HE: 10 (hamar) puntu.

- HE: 15 (hamabost) puntu.