Deialdiko oinarri espezifikoak Musika Jardueren Koordinatzailea (EGONKORTZE - LEHIAKETA)

II. SALBUESPENEZKO EGONKORTZE-PROZESUAREN DEIALDIAREN OINARRI ESPEZIFIKOAK, HONAKO LANPOSTU HAUEK JABETZAN BETETZEKO: KUDEAKETAKO ZUZENDARIORDEA (PLAZA 1), INFORMATIKAKO KOORDINATZAILEA / ADMINISTRAZIOA / KUDEAKETA (PLAZA 1), MUSIKA JARDUEREN KOORDINATZAILEA (PLAZA 1), ADMINISTRARIA (PLAZA 1) ETA MENPEKOA: ATEZAINTZA / AJA (2 PLAZA). PROZESUA LEHIAKETAREN SISTEMAREN BIDEZ EGINGO DA.

1. Deitutako plazak

Salbuespen gisa, Zerbitzu Orokorren arloan, 6 plaza deitu dira, behin bakarrik eta lehiaketa bidez, honela banatuta:

2. Parte hartzeko baldintzak

Plazak lortu nahi dituztenek egonkortze-prozesuaren oinarri orokorretako 4.1 apartatuan ezarritako baldintza orokorrak bete beharko dituzte, baita I. “Enplegua egonkortzeko ohiz kanpoko prozesuen arau erkideak” atalean aipatutakoak ere.

3. Deitutako plazei dagozkien lanpostuen betekizun espezifikoak

3.1 Sartzeko titulazioa:

- Kudeaketako zuzendariordearen lanposturako, Lizentziatura edo gradua Ekonomian, Enpresen Administrazio eta Zuzendaritzan, edo Ekonomia eta Enpresa Zientzietan unibertsitate-titulua lortzeko eskubideak ordainduta edukitzea edo titulua izatea eskabideak aurkezteko epea amaitzen denean.

- Informatikako koordinatzailea/administrazioa/kudeaketa, Musika jardueren koordinatzaile eta Administrari lanpostuetarako, Batxilergoa edo teknikariaren titulua (edo erdi-mailako LH) lortzeko eskubideak ordainduta edukitzea edo titulua izatea eskabideak aurkezteko epea amaitzen denean.

- Menpekoa: Atezaina/AJA lanpostuetarako, Eskola-graduatua edo baliokide titulua lortzeko eskubideak ordainduta edukitzea edo titulua izatea eskabideak aurkezteko epea amaitzen denean.

3.2 Euskera:

- Zerbitzu Orokorren Saileko plaza guztiek derrigortasun data igarota duten lanpostuak dituzte. Kudeaketako zuzendariordearen plazarako 3. hizkuntza-eskakizuna izatea betekizuna da; gainerako kasuetan, berriz, euskarako 2. hizkuntza-eskakizuna izatea da betekizuna.

4. Hautaketa prozesua

Lehiaketa izango da hautaketa-sistema. Merezimendu guztiak eskabidean/erantzukizunpeko adierazpenean alegatu beharko dira, hura aurkezteko epearen barruan.

Merezimenduak lortzeko azken eguna eskabideak/erantzukizunpeko adierazpenak aurkezteko epea amaitzekoa izango da.

Eskabidea/erantzukizunpeko adierazpena zer egunetan aurkezten den alde batera utzita, eskabideak/erantzukizunpeko adierazpenak aurkezteko epea amaitu arte zenbatuko dira merezimenduak.

Prozesuko kalifikazioa merituengatik lortutako puntuen batura izango da, baremo honen arabera:

a) Esperientzia orokorra

Gehienez 30 (hogeita hamar) puntu emango dira.

Esperientzia orokortzat hartzen da, soilik, izangaia administrazio publikoan aurkezten den plazan emandako zerbitzua. Zehazki, kudeaketako zuzendariordea (A1 taldea), informatikako koordinatzailea / administrazioa / kudeaketa, musika jardueren koordinatzailea eta administraria (C1 taldea), eta menpekoa: atezaintza / AJA (C2 taldea). Hori organo eskudunak emandako ziurtagiriaren bidez egiaztatuko da.

Gehienez 30,00 (hogeita hamar) puntu emango dira, zerbitzuko urte bakoitzeko edo sei hilabetetik gorako denbora tarte bakoitzeko 5 (bost) puntu.

b) Esperientzia espezifikoa

Gehienez 60 (hirurogei) puntu emango dira.

Esperientzia orokorraren baloraziotik bereizita eta haren osagarri, berariaz baloratuko dira Bilbao Musikan bete nahi den plazari dagozkion lanpostuetan emandako zerbitzuak plaza hauetan: kudeaketako zuzendariordea (A1 taldea), informatikako koordinatzailea / administrazioa / kudeaketa, musika jardueren koordinatzailea eta administraria (C1 taldea), eta menpekoa: atezaintza / AJA (C2 taldea). Gehienez ere 60,00 (hirurogei) puntu emango dira, 10,00 (hamar) puntu zerbitzu-urte bakoitzeko edo sei hilabetetik gorako denbora tarte bakoitzeko, 2017ko urtarrilaren 1etik aurrera.

Denbora zenbatzeko, lanaldi partzialeko edo lanaldi-murrizketako erregimeneko dedikazio-aldiak dauden kasuetan, zenbaketa benetan egindako denboraren proportzioan egingo da.

Lanaldi osoan eskaintzen ez diren lanpostuetarako, plaza ateratzen den ehunekoa hartuko da % 100tzat. Lanpostuko esperientziaren ehunekoa plazari dagokiona baino handiagoa bada, ez da kontuan hartuko portzentaje hori gainditzen duen denbora, eta kontratatutako lanaldia txikiagoa bada, plazaren ehunekoaren zati proportzionala zenbatuko da.

Plaza bakoitzerako, azken 6 urteetan metatutako esperientzia guztia zenbatuko da, 10,00 (hamar) puntu zerbitzu-urte bakoitzeko.

c) Beste merezimendu batzuk

Zati honetan, gehienez 10 (hamar) puntu lor daitezke.

c.1) Bilbao Musikan lortu nahi den lanposturako hautaketa-prozesua gainditu izana. 10 (hamar) puntu.

c.2) Bilbao Musikaren lan-poltsan egotea bete nahi den lanposturako. 6 (sei) puntu.

Aurreko aukeren artean onena hautatuko da; ezin izango dira bat baino gehiago erabili.

c.3) Titulazio akademikoak:

Unibertsitateei buruzko abenduaren 21eko 6/2001 Lege Organikoaren 35. artikuluan eta Unibertsitate-ikasketen eta horien kalitatea bermatzeko prozeduraren antolaketa ezartzen duen  railaren 28ko 822/2021 Errege Dekretuan araututako titulazio akademiko ofizialak, baldin eta deialdian betekizun gisa ezarritakoak baino goragoko mailakoak badira eta, administrazio eskudunak aitortuta, balio akademiko ofizialeko tituluak luzatu ahal dituzten ikastetxe publiko edo pribatuetako batek luzatuak badira, betiere zehaztasun honen arabera:

     - Erdi-mailako titulazioa (3. Atalean sartzeko titulazio gisa eskatzen ez direnak), titulu bakoitzeko 2,5 (bi koma bost) puntu.

     - Goi-mailako titulazioa (3. Atalean sartzeko titulazio gisa eskatzen ez direnak), titulu bakoitzeko 5 (bost) puntu.

c.4) Bilbao Musikako plazari dagozkion lanpostuetan esperientzia, baldin eta haien maila erantzukizun maila hauei badagokie: 2017ko urtarrilaren 1etik aurrera, zerbitzu urte bakoitzeko edo sei hilabetetik gorako denbora tarte bakoitzeko:

— 28. mailako postuak: 1,67 (bat koma hirurogeita zazpi) puntu.

— 27. mailako postuak: 1,33 (bat koma hogeita hamahiru) puntu.

— 26. mailako postuak: 1,00 (bat) puntu.

— 25. mailako postuak: 0,67 (zero koma hirurogeita zazpi) puntu.

— 24. mailako postuak: 0,33 (zero koma hogeita hamahiru) puntu.

c.5) Hizkuntzak

Gaztelania ez den Europar Batasuneko beste hizkuntza ofizial batzuen ezagutza baloratuko da, honako hauen arabera:

- B1 maila, 1,5 (bat koma bost) puntu

- B2 maila edo altuagoa, 2,5 (bi koma bost) puntu

Egiaztatzen den hizkuntza bakoitzagatik, izangaiak duen jakite-mailarik altuena bakarrik puntuatuko da.

c.6) Bete nahi den plazarekin zerikusia duten ikastaro espezifikoak. (gehienez ere, 6 puntu)

Lortu nahi den plazaren berezko eginkizunekin zerikusia duten ikastaroetan egindako ordu-kopurua. Edozein administrazio publikok edo administrazio horietako zuzenbide publikoko erakunde eta entitateek, bai eta ikastetxe publikoek, elkargo profesionalek eta elkarte profesionalek ere, homologatutako organismo edo erakunde ofizialek eman eta egiaztatu beharko dute hori. Zehazki: 0,10 puntu ordu bakoitzeko. Gehienez, 6 puntu.

c.7) Informatika-ezagutzak (gehienez 4,5 puntu)

Honela baloratuko dira informatika-ezagutzak: 1,00 (bat) puntu maila aurreratuko ziurtagiri bakoitzeko, edo 0,50 (zero koma berrogeita hamar) puntu oinarrizko mailako edo maila bakarreko ziurtagiri bakoitzeko:

     - Microsoft Word XP/2000/2003/2007/2010 edo geroagokoa.

     - Microsoft Excel XP/2000/2003/2007/2010 edo geroagokoa.

     - Microsoft Access XP/2000/2003 edo geroagokoa.

     - Internet

     - Microsoft Power Point XP/2000/2003/2007/2010 edo geroagokoa, maila bakarra.

     - Microsoft Outlook XP/2003/2010 o posterior, maila bakarra.

Oinarri orokorretan adierazi bezala, moduluak gainditu izana IT Txartelaren egiaztatze-sistemaren bidez egiaztatuko da. Modulu berean bertsio bat baino gehiago egiaztatzen badira, bakarra baloratuko da.

 Deialdi honen ondorioetarako, maila aurreratua dutela egiaztatzen dutenei egiaztatutzat emango zaie oinarrizko maila, eta, beraz, maila gorenekoa bakarrik baloratuko zaie.

d) Euskara ezagutza

Euskararen ezagutza eskakizun ez den lanpostuetan bakarrik baloratuko da, derrigortasun-data eraungita ez duelako, honako baremo honen arabera:

- 1. HE: 5 (bost) puntu.

- 2. HE: 10 (hamar) puntu.

- 3. HE: 15 (hamabost) puntu